Главная Новости «Дублер күні»: Қаражанбасмұнай қызметкерлері жұмыс орындарын ауыстырды
23 қыркүйек 2022, 11:20 612

«Дублер күні»: Қаражанбасмұнай қызметкерлері жұмыс орындарын ауыстырды

«Дублер күні»: Қаражанбасмұнай қызметкерлері жұмыс орындарын ауыстырды

«Қаражанбасмұнай» АҚ-ның қатардағы жұмысшылары департамент басшыларының қызметін атқарды. «Дублер күні» пилоттық жобасы аясында олар бір күн ішінде өз әріптестерінің немесе бөлімше директорларының лауазымдық міндеттерін орындады. Осылайша, екі тарап олардың күн сайын қандай жұмыстармен бетпе-бет келетінін көріп, негізгі бизнес-процестерді жүзеге асыруға тікелей қатысты. Сондай-ақ өзге де құрылымдардың қызметімен жақынырақ танысты.

Перспективалық даму және тәуекелдерді басқару департаментінің жетекші инженері Орынбек Берішбаев сағат 8:30-дан бастап директор қызметіне кірісті. Ол бұған дейін жұмысты қалай жүргізетінін жоспарлап, шұғыл кәсіби дайындық курсынан өтті. Қайрат Нұрмұханов жаңа басшыға жоспарланған жұмыс көлемін сеніп тапсырып, сәттілік тіледі. Ал әлеуметтік жұмыс департаментіне Мәлік Меңдіғалиевтің орнына аға маман Мархабат Махамбетова жауапты.

Ол жұмыс күнін жиналыстан бастап, қарамағындағы екі бөлімге тапсырма берді.

«Бұл жоба қызметкерлер мен басшылық арасындағы байланысты нығайтады. «Дублер күніне» қатысуға ниет білдірген қызметкерлер дайындығы мол, жауапты, креативті, білікті мамандар. Сондықтан оларға бір күндік жұмыс жоспарын сеніп тапсыруға болады. Олар да өз кезегінде бойындағы басқарушылық қабілеттерін шыңдайды», – деді Бас директордың кадр және әлеуметтік мәселелер жөніндегі орынбасары Оңғар Қабылов.

Мұнайшылар басшылардың рөліне оңай үйреніп, жиналыстарда шебер сөйлеп қана қоймай, маңызды бизнес-процестерді басқарды. Сонымен қатар, жобаның әр қатысушысы компанияның стратегиялық дамуы туралы өз көзқарасын айтты. Мәселен, маркетинг департаментінің аға маманы Данияр Төлегенов битумның тиеп-жөнелтілуіне және іске асырылуына бақылау жүргізіп, әріптестеріне жаңа келісім-шарт жасау және мұнай тапсыру кестесін дайындауға тапсырма берді. Персоналды басқару және еңбекақы төлеу департаментінің директоры Бауыржан Базарбаев өзінің лауазымдық міндеттерін кен орны қызметкеріне тапсырды. Еңбекті нормалау жөніндегі инженер Марат Мәмбетов жаңа жұмысқа құлшыныспен кірісті.

«Бұл әр түрлі буын қызметкерлері үшін өз әлеуетін көтеруге, әріптестерінің лауазымдық міндеттерін түсінуге тамаша мүмкіндік. Көшбасшы болу оңай емес екен. Ұжымның зор жауапкершілігі мен сенімін ерекше сезінесің», – деп атап өтті Марат Мәмбетов.

Жұмыс күні аяқталған соң, дублерлер атқарған жұмысы туралы есеп береді. Басшылардың міндетін абыроймен тапсырған олар, бұдан былай жалпы жұмыс процесіне басқаша көзқарас танытаныны анық.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: