02 қараша 2020, 07:43 3773

Экологиялық көрсеткіштер – тұрғындар назарында

"Атырау мұнай өңдеу зауыты" ЖШС қазан айының соңынан бастап экологиялық көрсеткіштерді арнайы LED-экранда көрсету тәжірибесін енгізді. Сынақ режиміндегі бұл жоба аясында зауыттың санитарлық-қорғау аймағы шекарасының бақыланатын төрт нүктесінен түсетін атмосфералық ауаның жай-күйі туралы деректер сағат сайын жаңартылып жарияланып отырады, деп хабарлайды SKnews зауыттың баспасөз қызметіне сілтеме жасап.

Жалпы, бұл аймақта тәулік бойы бақылау автоматты станциялармен жүргізіледі, олар атмосфералық ауадағы ластаушы заттардың құрамы күкіртсутегі, көміртегі оксиді, азот оксиді, күкіртті ангидрид және көмірсутектердің көрсеткіштері бойынша бақыланады.

Сондай-ақ станцияларда желдің бағыты мен жылдамдығы, ауа температурасы, атмосфералық қысым және салыстырмалы ылғалдылық сынды метеорологиялық сипаттамалар анықталады.

Автоматты станциялардың деректері Wincollect ақпаратын жинау мен өңдеудің автоматты бағдарламасында жиналып, сағат сайын алынады да, AirKZ қосымшасына интеграциялау арқылы "Қазгидромет" РМК-ға беріледі.

Атмосфералық ауаның экологиялық көрсеткіштері туралы ақпаратты қолжетімді етуі Атырау мұнай өңдеу зауытының ашықтығын тағы бір айғақтайды.

Еще больше новостей на нашем telegram-канале , подписывайся и будь в курсе!

К списку статей Следующая статья