Ембі мұнайшылары декларация тапсыру туралы мағлұмат алды

2023 жылдан бастап Қазақстан Республикасының «Салық және бюджетке төленетін басқа да міндетті төлемдер туралы» Кодексіне сай: мемлекеттік мекемелердің қызметкерлері және олардың жұбайлары; квазимемлекеттік сектор субъектілерінің қызметкерлері және олардың жұбайлары (оның ішінде «Ембімұнайгаз» АҚ жұмысшылары және жұбайлары) жалпыға ортақ декларациялау кезеңі бойынша, 250.00 декларация формасын (Активтер мен міндеттемелер туралы декларация) тапсыруға міндетті.

Кездесулер барысында мамандар декларация тапсыру жолдары, тәртібін түсіндіріп, қатысушылардың сауалдарына жауап берді. Декларацияны уақытылы тапсырмау немесе бюджетке төленетін басқа да міндетті төлемдерді есептеуге әкелетін толық немесе анық емес мәліметтер үшін, салықтарды есептелуіне әкелетін салық салу объектілерін жасырған жағдайда қарастырылатын әкімшілік жауапкершілік шаралар туралы да айтылды.

Кірістер мен мүлік туралы декларацияны ұсыну тәсілдері: cabinet.salyk.kz – Салық төлеушінің кабинеті, egov.kz – «Электрондық үкімет» порталы, eSalyq Azamat – мобильді қосымшасы, eGov mobile – мобильді қосымшасы.

Айта кетейік, активтер мен міндеттемелер туралы декларация қағаз жүзінде – 2023 жылдың 15 шілдесіне дейін, электронды түрде – 2023 жылдың 15 қыркүйек айына дейін тапсырылуы қажет.