30 шілде 2021, 10:00 2051

Ембіде жылу қазанының құрылысы аяқталуға жақын

Сонау 1980 жылдарда қолданысқа енген бұрынғы жылу қазанының тозығы жетіп, ғимаратының ірге тасы әбден отырып кеткен болатын. Оның үстіне аталмыш кен алаңының аумағында орналасқан нысандарды толықтай жылумен қамту мәселесінде де проблемалар туындаған. Осы жәйттарды ескерген басшылық жаңа блокты модульді жылу қазанының жобасын жасақтауға тапсырыс беріп, «КМГ Инжиниринг» ЖШС мекемесінің Атырау облысындағы бөлімшесі аталмыш жобаны жасақтады.

«Жобаның тиімділігі Оңтүстік – Батыс Қамысты кен алаңындағы 60 және 30 орынды екі жатақхананы, 50 орынды асхананы, мұнай-газ өндіру цехы өндірістік нысанын, Өрт сөндіру ғимаратын және мұнай учаскесінің операторлар ғимаратын жылумен, ыстық сумен толықтай қамтып отырады. Бұл орайда блокты модульді жылу қазанының тәулігіне 2 600 кВт жылу, 550 кВт ыстық су беру мүмкіндігі бар», – дейді «Жайықмұнайгаз» мұнай-газ өндіру басқармасының құрылыс бөлімінің бастығы Еркебұлан Оспанов.

Айта кету керек, осыдан біраз жыл бұрын блокты модульді жылу қазаны «Жайықмұнайгаз» мұнай-газ өндіру басқармасының Балғымбаев кен алаңында да іске қосылған болатын.