Ембілік мұнайшылар Мәскеуде "Фариза" спектаклін тамашалады

Бұған дейін, еске сала кетсек, SK News, Фариза Оңғарсынованың 80 жылдығына арналған "Поэзия кештері" сайысының қорытынды шарасында үздік өнерпаз мұнайшылар Мәскеу қаласындағы "Современник" театрында сахналанған "Фариза" спектакліне жолдама алғанын жазған болатын.  

Анығырақ тоқталсақ, "Ембімұнайгаз" АҚ-ға қарасты барлық еңбек ұжымында "Мұнайшы қыз" қыз-келіншектер клубының ұйымдастыруымен қазақ поэзиясының падишасы, Қазақстан Республикасының халық жазушысы, Мемлекеттік сыйлықтың лауреаты, ақын Фариза Оңғарсынованың 80 жылдығына арналған "Қазақтың аяулысы, перизаты, өшпейді ешқашанда Фариза аты" атты поэзия кештері өтті. Шарада ақынның өмір кезеңдерін бейнелейтін бейнероликтер көрсетіліп, өлең шумақтарынан үзінділер оқылды. Театрландырылған қойылым ұйымдастырылды. Нәтижесінде ақынжанды, шығармашылыққа жақын бір топ қызметкерге көрші елдің астанасына сапар шегу бақыты бұйырды.

"Ембімұнайгаз" АҚ – "ҚазМұнайГаз" Барлау Өндіру" АҚ еншілес кәсіпорны. "Ембімұнайгаз" АҚ тарихы 1922 жылы Доссор және Мақат кен орындарын игеру мақсатында "Ембімұнай" тресі құрылған кезеңнен бастау алады. Компания қызметінің негізгі бағыттары: геологиялық барлау, мұнай-газ кен орындарын игеру, мұнай мен газды өндіру және дайындау. "Ембімұнайгаз" АҚ құрамына Атырау қаласы мен облыстың 4 ауданындағы алты өндірістік-құрылымдық бөлімше кіреді. Компания өндірілген мұнайды ішкі нарыққа жіберумен қатар, экспортқа да шығарады.