Главная Новости Ер еңбегімен сыйлы
24 қаңтар 2023, 09:35 988

Ер еңбегімен сыйлы

Ер еңбегімен сыйлы

Мұнай өндіру – қызығынан қиындығы басым, жауапты да маңызды сала. Әсіресе Қаражанбас қойнауындағы құрамы қою қара алтынды игеру терең білім мен мол тәжірибені тең талап етеді.

Тоқсаныншы жылдардың басы кен орнында алғашқы цехтардың жұмысы жаңаша қарқын ала бастаған кезең. Бу өндіру цехының аға механигі Исатай Көбестің еңбек дастаны да осы уақытпен тұспа-тұс келеді. Ол алғашқы вахтаға көлік басқармасының диспетчері болып аттанды. Араға бірнеше жыл салып қызмет арнасын бу өндіру цехына бұрды.

Жөндеуші-слесарь соңғы 30 жылдан бері бу генераторларының ақауын айтқызбай тауып, істен шыққандарын қатарға қайта қосуға жауапты. Жылдар өте келе ол механик, аға механик лауазымдарына ауысып, ұжыммен бірге Қаражанбастың маңызды цехының үздіксіз жұмысын қамтамасыз етіп жүр.

«Мен үшін тапсырманы жылдам әрі сапалы орындау аса маңызды. Бұл алдыңғы буын мұнайшылар қалыптастырған ең жақсы қасиетім деп білемін. Өзім де жылдар бойы жиғанымды жастармен бөлсуге тырысамын. Еңбек етіп, елге пайда тигізу әр адамның парызы. Мен қызметі Қаражанбас секілді тарихы мен қойнауы бай кен орнымен байланысты болған бақытты мұнайшымын», – дейді ардагер.

Ғұмырының тең жартысы кен орнында өтіп жатқан кейіпкеріміздің сүйікті жұмысы – өмір салтына, ұйымшыл ұжымы екінші отбасына айналды. Сондықтан құрметті демалыс алдында Исатай ағаның көңілінде қимастық басым. Ұжымдастары аға механиктің салаға сіңірген еңбегіне, жастарға оң бағыт берген тәлімгерлігіне, айтқан ақылы мен өнегелі өсиеттеріне алғыс білдіріп, құрмет көрсетті. Осылайша тағы бір еңбек адамы өмір кітабының Қаражанбастағы алтын тарауын мазмұнды түйіндеді.

Еще больше новостей на нашем telegram-канале , подписывайся и будь в курсе!
АРХИВ ЖУРНАЛОВ SKNEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Астана, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: