07 желтоқсан 2021, 11:26 2448

Ерлікпен қаза тапқан теміржолшы «Адал еңбегі үшін» төсбелгісімен марапатталды

«ҚТЖ-Жүк тасымалы» ЖШС Павлодар бөлімшесі жедел-басқару бөлімінің бөлімше бойынша кезекшісі Марат Рахымжанов қайтыс болғаннан кейін «Адал еңбегі үшін» төсбелгісімен марапатталды. Бұл туралы «Қазақстан Темір Жолы» ҰК» АҚ баспасөз қызметі хабарлады.

Теміржолшы өзінің еңбек демалысында Павлодар қаласындағы жеке жағажайлардың бірінде 11 жастағы қызды құтқарып, өзі қаза тапты. Ол 59 жаста еді.

Төсбелгіні теміржолшының ұлына «ҚТЖ-Жүк тасымалы» ЖШС Бас директорының орынбасары Нұржан Қалдыбатыр тапсырды. Ол бұл марапат ерекше қырағылық, батылдық пен батырлық үшін берілетінін атап өтті.

Әріптестері Марат Рахымжанов туралы жақсы отбасы екендігін, жауапты қызметкер және кәсіби маман дегенді үнемі айтып жүреді. Ол теміржолшылар әулетінен шыққан. Темір жолға көп жылдар бойы машинист болып жұмыс істеген әкесінің ізімен келген. Жас теміржолшыларға тәлімгер болды.

Марат Рахымжанов жұбайымен бірге екі ұл тәрбиеледі. Оның төрт немересі өсіп келеді.

Еще больше новостей на нашем telegram-канале , подписывайся и будь в курсе!

К списку статей Следующая статья