FlyArystan Астана мен Ташкент арасындағы рейстер санын көбейтті

Қазақстан мен Өзбекстан арасындағы әуе тасымалына сұраныстың артуына байланысты FlyArystan лоукостері 2024 жылдың соңына дейін екі елдің астаналары арасындағы рейстер санын арттырады.

Астана – Ташкент және Ташкент – Астана бағыттары бойынша сейсенбі және сенбі күндері орындалатын қолданыстағы рейстерге 2024 жылғы 21 қарашадан бастап бейсенбі (Астана – Ташкент) және жұма (Ташкент – Астана) күндері рейстер қосылады.

Астана мен Ташкент арасындағы FlyArystan рейсі алғаш рет 2023 жылдың шілдесінде орындалды. Бүгінгі таңда бұл бағыт Қазақстандық әуекомпанияның ең танымал халықаралық бағыттарының біріне айналды.

Жолаушылар 2024 жылдың 21 қарашасы мен 26 желтоқсаны аралығына билеттерді FlyArystan мобильді қосымшасы немесе www.flyarystan.com ресми сайтынан сатып ала алады. Стандартты тарифке салмағы бес келіден аспайтын және көлемі 56 x 23 x 36 см құрайтын бір қолжүгі мен борттағы кездейсоқ орын кіреді. Әуекомпания барлық қосымша қызметтерді алдын ала сатып алуға кеңес береді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS