Жаңаөзенде 5 мыңға жуық жұмыс орны құрылады

"Сонымен қатар "Өзенмұнайгаз" АҚ қаражаты есебінен "Өзенинвест" мемлекеттік коммуналдық кәсіпорнында штат бірлігін ұлғайту арқылы қосымша 350 жаңа жұмыс орны құрылып, жұмыссыз есебінде тұрған азаматтар жұмыспен қамтылды. Олардың қызметінің негізгі бағыты - қаланы абаттандыру, спорт, балалар ойын алаңдары мен саябақтарын абаттандыру мен күтіп ұстау", - дейді ол.

Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған "Еңбек" бағдарламасының 1-ші бағыты бойынша қысқа мерзімді кәсіптік оқуға 144 адам жолданып, соның 115 адамы оқуларын аяқтап, 78 адам тұрақты жұмысқа орналасқан. Сондай-ақ "Бастау бизнес" және "Жас кәсіпкер" жобалары бойынша 680 адам кәсіпкерлік негіздеріне оқытылып, сертификат алған. 150 адам қайтарымсыз грантқа ие болып, 17 адамға несие берілген. "Нұр-капитал" бағдарламасы аясында 1,4 млрд теңгені құрайтын 70 жоба мақұлданып, 608 жұмыс орны құрылады деп жоспарлануда. Соның ішінде 860 млн теңгені құрайтын 39 жоба қаржыландырылып, 9 жоба іске асырылмақ.

Ал Жаңаөзеннен Ақтауға қоныс аударушыларға ағымдағы жылы қосымша 200 пәтерге дейін сатып алынатыны мәлімделуде. 

Қазіргі таңда Жаңаөзен халқының саны 153,7 мың адам. Оның 81,4 мыңы қалада болса, ауыл халқы – 72,3 мыңды құрайды.

"Өзенмұнайгаз" компаниясы барлығы 5 579,1 мың тонна шикі мұнай өндіріп, көрсеткішті өткен жылмен салыстырғанда 98,7 мың тоннаға немесе 1,8%-ға өсірген. Сондай-ақ 708,7 млн текше метр газ өндірілген. Бұл былтырға қарағанда 79,4 млн текше метрге артық.