Хотите получать уведомления в браузере о последних изменениях на сайте SKNEWS.kz
Орталықтың ашылу салатанатына «ӨзенМұнайГаз» АҚ бас директорының адам ресурстарын басқару жөніндегі орынбасары Бауыржан Мамбетсапаев, қала әкімінің орынбасары Аманғали Нұрдәулетов, спорт бөлімінің басшысы Жаңабай Аймағамбетов қатысып, жылы лебіздерін білдірді.
Садақ – қазақтың қасиетті қаруы. Жаугершілік заманда құралайды көзге атқан садақшылар ел қорғаны болды. Спорттың бұл түрі жастарымызды дәлдікке, ептілікке, мергендікке баулиды. Жігерін жанып, денсаулығын нығайтады.
Садақ ату орталығының жетекшісі – кәсіпорынның №3 мұнай-газ өндіру басқармасының қызметкері Сәнім Мұратова.
«Оның төл өнерді насихаттауы – құптарлық іс. Біз болашақта жаңаөзендік мергендердің әлемдік додаларда топ жаратынына сенімдіміз. Байтақ даламызды сақтап қалуға зор үлес қосқан мұраны қастерлеу – перзенттік парызымыз», – дейді «ӨзенМұнайГаз» АҚ бас директорының адам ресурстарын басқару жөніндегі орынбасары Бауыржан Мамбетсапаев.