25 мамыр 2021, 07:48 1333

Жас көшеттер қараусыз қалмайды

Көктемгі сенбілік кезінде «Қаражанбасмұнай» АҚ мұнайшылары отырғызған көшеттер тамыр жайып, гүлдей бастады. Мамыражай мамырдың шуақты күнінде жас шыбықтар бүршік атып, айнала жасыл желекке оранды. Уәде етілгендей, ҚБМ жұмысшылары өзі еккен талдарды суарып, күтіп-баптап жүр.

Жұмысшылар бекітілген кестеге сәйкес, әр апта сайын белгіленген аумақтарға барады. Жас шыбықтарға күтім жасау жұмысы ҚБМ басшылығының жеке бақылауында. Сонымен қатар, егілген көшеттерге қажетті тыңайтқыш және дезинфекциялық препараттармен қамтамасыз етуді компания өз мойнына алды.

«Ағаш егуден гөрі күтіп-баптау көп жауапкершілікті талап ететін жұмыс. Сондықтан біздің ұжым объектілер бойынша бөлініп, мониторинг жүргізеді. Алдын-ала суару және күтім жасау үшін қажетті инвенатрь дайындаймыз. Туған өлкеміздің көркеюіне үлес қосуға мүмкіндігіміз мол», – деп атап өтті персоналды оқыту және дамыту бөлімінің басшысы Ажар Өтеулиева.

Қазақстан Тәуелсіздігінің 30 жылдығы мен экология жылына орай ҚБМ ұжымы Маңғыстау облысының бірқатар әлеуметтік нысандары мен кен орны аумағында 3 мың түп көшет отырғызды. Мұнайшылар үшін ағаш отырғызу ғана емес, көшеттердің одан әрі өсуін қамтамасыз ету маңызды.

(«Қаражанбасмұнай» АҚ facebook желісіндегі парақшасынан)

Еще больше новостей на нашем telegram-канале , подписывайся и будь в курсе!

К списку статей Следующая статья