Жас мамандар кеңесінде - жаңа төраға

«Қаражанбасмұнай» АҚ Жас мамандар кеңесінің төрағасы болып цех машинисі Асылбек Бисатов бекітілді. Жаңа тағайындау жайлы Қаражанбас кен орнында өткен белсенді жастар басқосуында белгілі болды деп хабарлайды Компанияның баспасөз қызметі.

Бұған дейін бұл міндетті қос ауысымда Бекзат Жайлаубаев пен Абзал Ешекенов есімді жігерлі жұмысшы жастар өкілдері атқарған. Оларға басқосу барысында әріптестері атқарған жұмыстары үшін зор алғыс білдірген. Жас мамандар кеңесінің төрағасы міндетіне кіріскен, өзін іскерлігі мен ұйымдастырушылық қабілетімен танытқан Асылбек Бисатовқа болса, алда тұрған жауапты белестерді бағындыру жолында зор сенім артылып отыр.

"Қаражанбасмұнай" АҚ Маңғыстау облысындағы Ақтау қаласына жақын Қаражанбас кен орнын игеруге ден қойған мұнай өндіруші және әлем нарығына экспорттаушы компания болып саналады.

Еске сала кетсек, биылғы 2019 жыл елімізде, Елбасы шешімімен "Жастар жылы" деп жарияланды.

Жақын арада SK News бетінен «Қаражанбасмұнай» АҚ Жас мамандар кеңесінің жаңа төрағасымен сұхбатты күтіңіздер!