Главная Новости Жауынгерлік самбо чемпионы – Қаражанбас мұнайшысы
Біздің адамдар Компания тынысы 17 қыркүйек 2021, 10:19 258

Жауынгерлік самбо чемпионы – Қаражанбас мұнайшысы

Жауынгерлік самбо чемпионы – Қаражанбас мұнайшысы

Қаражанбас жұмысшылары мұнай өндіруден бөлек, жан-жақтылығымен ерекшеленеді. Солардың бірі – Әмірбек Отарбаев. Жабдықтарды пайдалану және икемдеп жөндеу цехының дәнекерлеушісі жауынгерлік самбодан Маңғыстау облысының чемпионы атанды.

88 келі салмақ дәрежесінде сынға түскен мұнайшы самбодан бөлек, қазақша күрес және бокспен айналысады.

Құрық ауылында туған Әмірбек спортты 10 жасынан бері серік етіп келеді. Бұған дейін талай рет ауыл, аудан, облыс көлеміндегі додаларда топ жарған. Биыл Жаңаөзенде өткен облыстық бокс бәсекесінің күміс жүлдесін қанжығалап, жауынгерлік самбо бойынша облыстық чемпионатта шашасына шаң жұқтырмады.

«Қызметім мұнай саласында болса да, жұмыстан тыс уақытымды жаттығуға арнаймын. Соның арқасында облыстық чемпионатта бағым мен бабым қатар шауып, жеңіске жеттім. Қарсыластар да осал болмады. Дегенмен артымыздан еріп келе жатқан жас толқынының мықтылығына риза болдым», – дейді Әмірбек.

Спортты серік еткен мұнайшы туған ауылының спортшыларына үнемі қолдау көрсетіп отырады. Шәкірт тәрбиелеумен ресми айналыспаса да, ауыл деңгейінде жекпе-жек ұйымдастырып, жас буынға үлгі болып жүр. Кен орнында Әмірбек сынды спорттың түр-түрінен биік белестерді бағындырып жүрген мұнайшылар бар.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: