Главная Новости Жетім көрсең, жебей жүр
Маңызды13 қыркүйек 2018, 10:42 1021

Жетім көрсең, жебей жүр

Жетім көрсең, жебей жүр

Отбасы күніне орай "Самұрық-Қазына" АҚ тарапынан балалар үйлерінде тәрбиеленіп жатқан жетімдерге қамқорлық танытуға басымдық берілді. Бұл ретте «Samruk-Kazyna Trust» әлеуметтік жобаларды дамыту қоры Астана және Алматы қалаларында бірқатар шаралар өткізді. 

8 қыркүйек күні «Shymbulak» тау шаңғы курортында «Алматы SOS Балалар қалашығы» мен «Тәлімгерлер» жобасының тәрбиеленушілері үшін үлкен мерекелік шара өткізілді. Алдымен кішкентай қонақтарға тау шаңғы базасы бойынша саяхат ұйымдастырылып, шаңғы спорты туралы ақпарат берілді. Одан кейін балалар арнайы ұйымдастырылған спорттық сайыстарға қатысып, өздерінің төзімділігі мен шапшаңдығын сынап көрді.

 «Samruk-Kazyna Trust» әлеуметтік жобаларды дамыту қорының басқарушы директоры-ресми өкілі Мирас Іргебаевтің айтуы бойынша, бүгін Қазақстан бойынша шамамен 26 мың жетім бала бар. 

 «Отбасы – бұл, сөзсіз, жас ұрпақтың қалыптасуындағы маңызды әлеуметтік институт. Қазіргі таңда, Білім және ғылым министрлігінің дерегі бойынша, елімізде ата-ананың қарауынсыз қалған 26 мың баланың көп бөлігі асырап алушы отбасыларда өмір сүріп жатыр. Тағы шамамен 6 мың бала жетім балаларға арналған мекемелерде тұрады. Мұндай балаларға ересек тәлімгерлермен қарым-қатынас арқылы тәуелсіз өмір дағдыларын қалыптастыруға көмектесу мақсатында «Samruk-Kazyna Trust» әлеуметтік жобаларды дамыту қоры «Дара» қорымен бірлесе отырып, «Тәлімгерлер» жобасын жүзеге асырып келеді»,- дейді Мирас Іргебаев.

Сонымен қатар, ол, Қор отбасылық сипаттағы балалар үйіне қолдау көрсететін «Балаларға арналған қамқорлық үйі» жобасын белсенді жүзеге асырып жатқандығын да нұсқады.

Ал Астана қаласының тұрғындары Отбасы күнін отбасылық квест ойынымен атап өтті. Бұл үшін 9 қыркүйек күні қала тұрғындары сүйікті демалыс орындарының бірі - «Жетісу» саябағына жиналды.

Мереке қонақтарының құрметіне арнайы қызықты отбасылық байқаулар, Астана қаласының жетекші психологтарының кеңестері, футбол, допты хоккей сияқты спорт түрлерінен түрлі шеберлік сабақтары өткізіліп, әуе жыландары мен ұшақтарды ұшыру да ұйымдастырылды. Шара соңында ең дарынды қатысушылар естелік сыйлықтармен марапатталды.

 «Баланың болашақта қандай адам болып шығатындығы оның қандай ортада өсетіндігіне, ата-ананың оның айналасында қандай психологиялық және адамгершілік ортаны қалыптастыратындығына тікелей байланысты. Біздің серіктес тарап «Замандас» қоғамдық қоры бұл мәселені шешуге барын салды және соның нәтижесінде қазіргі таңда отбасылық аула клубтары жұмыс жасап келеді», - дейді Іргебаев Мирас. Аталған жобада әлеуметтік жағдайы төмен отбасыларға айрықша көңіл бөлінуде.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: