Главная Новости «Жоғары қысымға тек құбырлар ие». Үздік маманның еңбек ету үлгісі
Компания тынысы23 қазан 2020, 12:08 291

«Жоғары қысымға тек құбырлар ие». Үздік маманның еңбек ету үлгісі

«Жоғары қысымға тек құбырлар ие». Үздік маманның еңбек ету үлгісі

«Әрбір адам өмірде үлкен жетістіктерге жеткісі келеді, ал бұл үшін өз жаныңа жақын, адамдарға пайдасын тигізетін мамандықты таңдау қажет». Бұл – «Қаратау» ЖШС аффинаж өндірісінің 6-дәрежелі аппаратшы-гидрометаллургы Нұржан Балатаевтың ұстанымы.

Рас, кез келген мамандық теориялық білім мен арнайы дайындық кезінде жинақтайтын практикалық машықты талап етеді. Нағыз кәсіби маманның қашанда айқын стратегиясы болады, ол ішкі және сыртқы ресурстардың жұмысын алға қойылған міндеттерді орындау мақсатында үйлестіре білуі тиіс. Бұдан бөлек, мықты және әлсіз жақтарын таразылап, батыл әрекет жасауға мүмкіндік беретін аналитикалық машықтар да қажет.

«Аппаратшы» мамандығы туралы әркім әртүрлі ойлайды. Мен жоғары қысым астында жұмыс істейтін құбырларға қызмет көрсетемін. Жұмыс оңай емес, әрі зор жауапкершілік жүктейді. Технологиялық инструкция, карта, регламентті жетік біліп, оны жұмыс барысында қатаң ұстану қажет. Мен күнделікті дайындық және қосалқы жұмыстарды жүргіземін. Қондырғылардың жұмыс жағдайын тексеріп, техникалық қолдау көрсетемін, ал қажет жағдайда, ақауларын жөндеймін, бақылау-өлшеу құралдарының датчиктерін қадағалаймын», – дейді Нұржан Балатаев.

Нұржан Балатаев әріптестерімен біргеНұржан Балатаев әріптестерімен бірге

Гидрометаллург маман «Қазатомөнеркәсіп» ҰАК» АҚ ішінде ұйымдастырылған «Үздік маман» байқауында дара шығып, бүгінде Қор бойынша ақтық сайыста бағын сынауда.

«Жұмыс, әлбетте, қиын, бірақ, мен оны өз қалауыммен саналы түрде таңдадым. Менің жұмысым мені сәттілікке, адал еңбек етуге ынталандырады. «Қазатомөнеркәсіп» ҰАК» АҚ-нда жұмыс істей жүріп мен жаңа технологияларды меңгерудемін, шеберлігімді шыңдап, атом индустриясының дамуына өз үлесімді қосып жүрмін. Мен үздік команданың сапында болғаным үшін бақыттымын. Бұл сезім бойымда мақтаныш сезімін оятып, жаңа жетістіктерге ынталандырады», – дейді ол.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: