Жүректі жылытатын жария есеп жарық көрді

"Samruk-Kazyna Trust" әлеуметтік жобаларды дамыту қоры мүдделі тараптаррға – акционерлерге, серіктестерге, БАҚ өкілдеріне, жергілікті өзін-өзі басқару органдары мен Қазақстанның қоғамдық ұйымдарына 2018 жылғы Жылдық жария есепті таныстырды. Бұл туралы Қордың корпоративтік коммуникациялар департаменті хабарлады.

Жария жылдық есеп – Қордың өткен жылғы қызметі туралы баяндайтын есептіліктің ерекше түрі. Ыңғайлы болуы үшін жылдық есеп бірнеше тараулар мен бөлімдерге бөлінген, олардың арасында Қордың өзі, ұйымдастыру үлгісі, қайырымдылық жобаларын бекіту тәртібі, жобалардың нәтижелері, сондай-ақ көмек алған адамдардың тарихы туралы толық ақпарат бар. Жария жылдық есеппен Қордың sk-trust.kz сайтында жылдық есеп бөлімінде немесе тікелей сілтеме арқылы https://is.gd/6g8ZN2 танысуға болады.

"Жылдық есеп Қор жұмысының мән-мағынасынан, негізгі іс-шаралардың мазмұнынан және олардың нәтижелерінен, статистикадан, сандардан, ақпараттық графикадан және тағы басқа деректерден тұрады. Біздің мүдделі тараптар - бұл "Samruk-Kazyna Trust" қоры жұмысына мұқият назар аударып отыратын жан-жақты аудитория", - дейді Қордың бас директоры Дияс Әзбергенов.

Атап өтерлігі сол, есеп жалпы Қор жұмысы туралы ғана емес, адамдардың нақты оқиғалары туралы да хабардар етеді. Мәселен Азамат "Мебиус синдромы" деп аталатын өте сирек ауруға шалдыққан. Басқаша айтқанда, бұл беттің толық салдануы. Дәрігерлердің болжамы бойынша, ол өмір бойы мүгедек болып қалуы тиіс еді. Бірақ Қор жобасының арқасында Азамат емдеу курсын бастады. "Қазір ол ымдай алады, еріндерін қимылдатып, сөйлеуі жақсарған, күлімсірейді", делінген жылдық есептегі көптеген оқиғалардың бірінде.