Хотите получать уведомления в браузере о последних изменениях на сайте SKNEWS.kz
Қаражанбас кен орнының вахталық жұмысшылары да коронавирустық инфекциямен күреске қосқан үлесі үшін марапатқа ие болды. «Қаражанбасмұнай» АҚ басшылығы бірқатар мұнайшыға KAZENERGY қауымдастығының алғыс хаттарын табыс етті.
«Пандемияның алғашқы толқыны кезінде бүкіл әлем зардап шекті. Осындай қиын-қыстау кезеңде біздің жұмысшыларымыз зор жауапкершілік және батылдық танытты, сырқаттанған әріптестерге көмектесіп, медициналық жабдықтар, жеке қорғаныс құралдарымен қамтамасыз етті. Осындай шақта көрсеткен қолдауыңыз үшін алғысымызды білдіреміз», – деді ҚБМ Бас директоры Ли Тецян.
Айта кету керек, жыл басынан бері коронавирустық инфекциямен күреске қосқан үлесі және жұмыстағы белсенділігі үшін көптеген қызметкер марапатталды. Осы бағыттағы жұмыстар алдағы уақытта да жалғасын табады.