Главная Новости Интернет игілігіне жол ашқан серіктестік
Компания тынысы 27 шілде 2021, 09:45 252

Интернет игілігіне жол ашқан серіктестік

Интернет игілігіне жол ашқан серіктестік

«Қазақтелеком» ел абоненттерін жылдамдығы жоғары интернетпен қамтудың жаңа тетігін енгізді. Оған сәйкес, компания көп қабатты үйлерге жергілікті желі тартатын жекеменшік компаниялармен серіктестік келісімдер жасайды, деп хабарлады «Қазақтелеком» АҚ баспасөз қызметі.

Мәселен, Өскеменде Ілияс Есенберлин даңғылындағы үй тұрғындары пәтерінің кілтімен қоса FTTH технологиясы бойынша телекоммуникация қызметтерін де алды: әр пәтерге кең жолақты интернет, цифрлық ТВ және IP-телефония қызметтерін 500 Мбит/с дейінгі аса жоғары жылдамдықта тарататын талшықты-оптикалық кабель тартылды.

«Қазақтелеком» бұған дейін жеке серіктестермен осындай жұмыс тәсілін мегаполистерде – Нұр-Сұлтан, Алматы және Шымкент қалаларында іске асырған болатын, енді өзге өңірлердегі нарыққа да шығып отыр.

«Бағдарламаға орай, шағын және орта бизнестегі әріптестеріміз үйлердің ішіне жергілікті желі тартумен айналысып жатыр. Содан кейін «Қазақтелеком» желі тартылған үйдегі барлық абонентті өзінің «оптикалық» магистралды желісіне қосады, серіктестерімен бірге жаңа желіге қызмет көрсетеді», – дейді «Қазақтелеком» филиалы – Шығыс ӨТД В2С сегментінің коммерциялық директоры Ерлан Исанов.

Өскеменде жаңа салынған 8 тұрғын үйдің тұрғындары енді FTTH технологиясы бойынша барлық телекоммуникация қызметтерін тұтына алады. 250-ден астам пәтердің иесі қазірдің өзінде алған пәтеріне бонус ретінде қоса берілген жылдамдығы жоғары интернетті рақаттана қолданып жүр.

«Пәтерге көшіп келген бойда Интернет пен телевидение қосуға болатыны қандай жақсы. Біз Ultra топтамасын таңдадық, дұрыс таңдау жасағанымызға қуанып отырмыз: жылдамдығы жоғары, балалар мультфильм көреді, ал мен еш алаңсыз қашықтан жұмыс істеп жүрмін. Интернеттің жылдамдығы тіпті кешкісін де бәсеңдемейді», – дейді жаңа үйдің тұрғыны Дамира.

Осы секілді серіктестік жобасының аясында Шығыс ӨТД Өскемендегі Қаныш Сәтбаев даңғылында орналасқан тағы бір тұрғын үйді желіге қоспақ.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: