Главная Новости Ислам нарығын дамытуға келісті
Маңызды03 шілде 10:54 440

Ислам нарығын дамытуға келісті

Ислам нарығын дамытуға келісті

 «Самұрық-Қазына» ҰӘҚ» АҚ және «Nasdaq Dubai» Халықаралық қор биржасы өзара түсіністік туралы меморандумға қол қойды. Тараптар ислам капиталы нарығының құралдарын дамытуға, сондай-ақ екі елдің қаржы нарығын жақсартуға келісті.

Құжаттың мақсаты – халықаралық қауымдастықтың Қазақстандағы инвестициялық мүмкіндіктері туралы хабардар болуын арттыру.

«Өзара түсіністік туралы меморандум – бұл басқа елдермен және ұйымдармен байланыс орнату мен нығайтуға деген ұмтылысымыздың дәлелі», - деді «Самұрық-Қазына» АҚ логистика және халықаралық ынтымақтастық жөніндегі басқарушы директоры Қанат Алпысбаев.

Өз кезегінде «Nasdaq Dubai» компаниясының атқарушы директоры Хамед Али, Қазақстанның серпінді дамып келе жатқан компаниялары, Біріккен Араб Әмірліктері мен өзге елдердің инвесторлары үшін тартымды бағыттардың өсуіне ықпал ететінін атап өтті.

«Біздің елдеріміз арасындағы тығыз байланыстардың негізінде, «Nasdaq Dubai» өзінің жаңашылдығы мен инфрақұрылымы арқасында, қазақстандық кәсіпорындарға жеке және мемлекеттік инвесторларды инвестициялауға көмектесуге дайын. Серпінді дамып келе жатқан қазақстандық компаниялар, елдеріңізді, біздің өңірдегі және бүкіл әлем бойынша инвесторлар үшін ең тартымды бағыттардың біріне айналдырып отыр», - деп атап өтті ол.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: