Главная Новости Қаламқаста су-газ қоспасының атқылауы тоқтады
Компания тынысы28 мамыр 10:34 253

Қаламқаста су-газ қоспасының атқылауы тоқтады

Қаламқаста су-газ қоспасының атқылауы тоқтады

Қаламқас кен орнында 26 мамыр күні, сағат 20:40 шамасында №8237 апаттық ұңғымасынан су-газ қоспасының (грифон) атқылауы тоқтатылды. Бұл туралы "Маңғыстаумұнайгаз" АҚ хабарлап отыр.

Мұның алдында 22 мамыр күні сағат 18.20 шамасында Қаламқас кен орнында орналасқан №8237 ұңғымасы жанынан су-газ қоспасының атқылауы пайда болғанын хабарлап едік.

Жалпы, "Маңғыстаумұнайгаз" компаниясы өкілдерінің айтуынша, грифондардың қайта пайда болуы күтілген жағдай, оған мамандар дайын болған: ұңғыманы басқару тетіктері сақталып, сағасы өртке қарсы құрылғылармен жабдықталып, тұншықтыру және дроссельдеу блогымен қамтылған. 

Су-газ қоспасы (грифон) пайда болған аймақтағы қауіпсіздік шараларын сақтау бойынша жедел штаб құрылып, оқшаулау жұмыстары жүргізілген, қауіпті деп табылған аймақ қоршауға алынып, апат салдарын жоюға тікелей қатысы жоқ адамдарды өткізуге тыйым салынған; грифон бетіне мергель топырағы төгілген; грифоннан су мен газдың сынамасы алынған. Сонымен қатар, су мен газдың құрамы бойынша ықтимал көздер (газды және сулы қабаттар) анықталған; газ бен судың шығуына себепкер болуы мүмкін су айдау және газ өндіру ұңғымалары анықталып, тоқтатылған.

Осыған дейін биылғы жылдың наурыз айында орын алған грифонның өртену оқиғасынан кейін "Қазмұнайгаз" ҒЗИ, "ММГ" АҚ және тәуелсіз сарапшылардын қатысуымен жұмыс тобы құрылды. Аталған жұмыс тобы №8237 апаттық ұңғымасының айналасынан ауданы 4 шаршы шақырымды құрайтын зерттеу аймағын белгіледі. Бұл аймақта 98 ұңғыма тексеруге алынды, олардың арасында жұмыс жасап тұрғандары, жұмыс жасамай тұрғандары және ликвидациялық ұңғымалар бар. Зерттеу жұмыстарының мақсаты - грифондардың пайда болу, табиғи газ бен су шоғырланған жер қабаттарындағы техногендік газ көшкіні себептерін анықтау.

"Қазіргі таңда бұрғылау жұмыстарын жүргізу және кен орынды игеру кезінде мұндай жағдайлардың орын алмауы үшін тиісті шаралар атқарылуда. Бұл шараның орындалуы барысында су-газ қоспасының атқылау жағдайы қайталануы мүмкін. Бірақ, ол басқарылатын процесс" дейді маңғыстаумұнайгаздықтар.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: