Қаламқастың қадамы қарышты

«Маңғыстаумұнайгаз» компаниясына қарасты Қаламқас кенорнының қарышты қадамынан бүгінде бүкіл ел хабардар. Мұнда мұнайшылардың игілігі үшін іске асқан жұмыстар шаш-етектен. Қос қабатты жаңа үлгідегі жатақхана, спорт сарайы, кітапхана, жақында ғана қолданысқа берілген зәулім асхананы қосыңыз. Мереке сайын мейман әкеліп, аста-төк дастархан жайып құшағын ашатын қалашыққа жаңа серпін, жаңа леп келді. Қалашықтың жомарт жігіттері жиналып, сауапты іске жол бастады.

«Осы өндіріс басында жарты өмірі өтетін мұнайшыларға жаяу жүргінші жолының қажеттілігінен туған бастама еді. «БУТТ», «ОСС», «АКТС», «СиБу», «OSC», «МЭМ», «МТК» мердігер мекемелері және «ҚМГ» ӨБ бірлесіп, жаңа жол құрылысын 2 ай көлемінде төсеп бітірді. Енді таңның атысынан кеш қарайғанша жалғасатын жұмыстың қауырт тіршілігінен кейін вахта қызметкерлері кешкі астан соң қалашық маңында серуендеп бой жазып жүруді әдетке айналдырады», – дейді орталық инженерлік технологиялық цех бастығының орынбасары Алмас Біржанов.

«Жұмыла көтерген жүк жеңіл» демекші, бірлікпен басталған іс берекелі болды. Мұнайшылар ортақ істің оңтайлы шешілгеніне дән риза.