09 мамыр 2021, 10:08 1941

Қаражанбас мұнайшылары ардагерлерді Жеңіс күнімен құттықтады

Ұлы Жеңістің 76 жылдығына орай «Қаражанбасмұнай» АҚ басшылығы соғыс ардагері Асан Аймағанбетовты арнайы барып құттықтады. Мұнайшылар бейбіт аспан мен алаңсыз өмір үшін айқасқан қарияға ұжым атынан алғыс білдірді.

Асан Аймағанбетов 1942 жылы майдан даласына шақырту алды. 17 жастағы бозбала Молдавия мен Польшаны азат етуге атсалысып, Берлинге дейін жеткен. Көрсеткен ерлігі үшін ІІ дәрежелі «Даңқ» ордені, І дәрежелі «Отан соғысы» ордені «Берлинді алғаны үшін», «1941-1945 жж. Ұлы Отан соғысында Германияны жеңгені үшін» медалімен және Иосиф Сталиннің алғыс хатын алды.

Сонымен қатар, ҚБМ мұнайшылары Бейнеу ауылында тұратын соғыс ардагері Сәуірбай Базарбаевқа сыйлық пен құттықтау хатын жолдады. Ол 1943 жылдан 1945 жылға дейін Белорусиядағы майдан даласында ұрысқа қатысты. Ерлігі үшін «І дәрежелі Отан соғысы» орденімен, «1941-1945жж. Ұлы Отан соғысында Германияны жеңгені үшін» медальдарымен марапатталған.

ҚБМ соғыс ардагерлеріне ерекше ықылас танытып, қамқорлықпен қарайды. Оларды жан-жақты қолдауға көп көңіл бөледі. Мұнайшылар азат өмір сыйлаған ардегерлерге құрмет көрсетіп, олардан қалған естеліктерді ұрпақтан-ұрпаққа аманат ету әр адамның міндеті деп санайды.

Еще больше новостей на нашем telegram-канале , подписывайся и будь в курсе!

К списку статей Следующая статья