Қаражанбас мұнайшылары эпидемиолог кеңестерін тыңдады

Бүгінгі таңда ҚБМ-да коронавирустық инфекция жұқтырғандар саны артты. Жедел штаб мамандары жағдайдың өте ауыр екенін ескертеді. Соңғы тәулікте алынған ПТР тест нәтижелері бойынша 30-дан астам жұмысшыдан вирус анықталған. ҚБМ вирустың таралу қаупінің алдын алу және азайту үшін барлық жағдайды жасап жатыр. Вакцинацияның қолжетімділігін қамтамасыз ету үшін кен орнында, орталық кеңседе, сондай-ақ Нейрон клиникасында барлығы 4 егу пункті жұмыс істеп тұр.

«Сәуір айынан бастап үш мыңнан астам адам қатысқан 70 мекеме жұмысшыларымен кездесу өткіздім. Өткен жылғы жағдай әлі де көз алдымызда. Егер біз жағдайға салмақты қарамасақ, жауапкершілік танытпасақ, эпидемиологиялық ахуал нашарлауы мүмкін. Әзірге тек вакцина ғана бізді қауіпті індеттен қорғай алады», – деді Марал Қадыр.

Сондай-ақ эпидемиолог маман Маңғыстау облысы «қызыл» аймақта екенін және өңірде эпидемиологиялық ахуал күннен-күнге нашарлап келе жатқанын атап өтті. Қазір провизорлық орталықтарда орын жоқ. Сондықтан денсаулықты қорғау мәселесіне бей-жай қарамау қажет.