21 қараша 2018, 17:15 2768

Каратэмен айналысатын балаларға қамқорлық

«Өзенмұнайгаз» АҚ кәсіподақ ұйымы каратэ киокушинкаймен айналысып жүрген балаларға спорттық киім сыйлады. Осылайша мұнайшылар ұжымы жас ұрпақ арасында салауатты өмір салтын насихаттаудың маңыздылығын байыптап отыр.

«Өзенмұнайгаз» АҚ кәсіподақ ұйымынан қамқорлық көрген спортшылар қараша айының басында Астанада өткен әлемдік жарысқа қатысты. Оның ішінде Нұрқожа Қуатаев 14-15 жастағы жасөспірімдер арасындағы 45 келі салмақ дәрежесінде қола жүлдегер атанды.

Нұрқожаның жаттықтырушысы Алдаберген Дүйсекенов: «Балаларға спорттық киім алып берген «Өзенмұнайгаз» АҚ кәсіподақ ұйымына алғысымыз шексіз. 26 мемлекеттен 900-ден астам спортшы қатысқан дүбірлі додада қола медаль алуымыз үлкен жетістік! Спортпен айналысып, биік шыңдарға ұмтылған балаларға «Бәрекелді!» деу артық болмас», - дейді.

Еще больше новостей на нашем telegram-канале , подписывайся и будь в курсе!

К списку статей Следующая статья