Қашағанда қалыпты жұмыс арнасынан ауытқымайды

2019 жылдың 7 мамыр күні Амстердам қаласының апелляциялық соты "Самұрық-Қазына" ҰӘҚ" АҚ-на тиесілі ҚМГ "Қашаған Б.В." компаниясының 50% акциясына шектеу қою туралы 2018 жылдың 5 қаңтарында Амстердам аудандық сотының шешімін қолдады. Шектеу Анатолий Стати, Габриэл Стати, Ascom Group SA және Terra Raf Trans Trading Ltd. ісі бойынша Қазақстан Республикасына қарсы сот процесі аясында қойылды.

Атап өткен жөн, "Қашаған Б.В." ҚМГ" ЖШЖК және "Самұрық-Қазына" АҚ Қазақстан Республикасына қарсы Стати сот ісі бойынша төрелік соттың қатысушылары емес.

"Осыған байланысты талап қоюшылардың шағымдарын кінәсіз жақ есебінен қанағаттандыру әрекеттері қисынсыз, ал шектеу қою туралы сот шешімі қате.

Сонымен қатар, Амстердам апелляциялық сотының шешімі Қордың құқықтарына қосымша шектеу қоя алмайды.

Қор, акционер ретінде осы акциялар бойынша дауыс беру құқығын сақтайды және «Қашаған Б.В.» ҚМГ» ЖШЖК ағымдағы басқару жүйесі әдеттегідей жүзеге асырыла береді" делінген мәлімдемеде.