Главная Новости Орталық Азия әуе компанияларының алғашқы дөңгелек үстелі өтті
Компания тынысы15 мамыр 11:33 237

Орталық Азия әуе компанияларының алғашқы дөңгелек үстелі өтті

Орталық Азия әуе компанияларының алғашқы дөңгелек үстелі өтті

Тәжікстан астанасы Душанбе қаласында өткен Орталық Азиядағы әуе компаниялар басшыларының алғашқы дөңгелек үстеліне Somon Air (Тәжікстан), Air Astana (Қазақстан), SCAT Airlines (Қазақстан), QAZAQ Air (Қазақстан), Uzbekistan Airways (Өзбекстан) мен «Авиа Траффик» (Қырғызстан) әуе компаниялары қатысқаны хабарланып отыр. Әуе компаниялары Орталық Азиядағы авиатасымалдаудың қиындықтары мен кедергілерін және де ұшулардың қауіпсіздігі мен жанармай мәселелерін талқылаған.

Халықаралық әуе тасымалдау қауымдастығының (IATA) болжауы бойынша, 2037 жылға дейін әлемдік авиа саласында жолаушылар легі екі есе ұлғайып, дүниежүзілік экономика орталығы батыстан шығысқа қарай ауысып, Орталық Азиядағы жолаушылар легі де ұлғая түспек. Осыған орай аймақтағы әуе тасымалдауды дамытуда әуе тасымалдаушылары арасында ынтымақтастық аса маңызды.

Кездесу барысында әуе компаниялары Орталық Азиядағы авиацияның бәсекеге қабілеттілігіне ықпал ететін бірқатар сын-тегеуріндерін атап өткен. Мәселен, қауіпсіздіктің халықаралық стандарттарына толықтай сәйкестікті қамтамасыз ету керек. Соның ішінде, Халықаралық азаматтық авиация ұйымы (ICAO) ережелеріне, сондай-ақ авиациалық оқиғаларды тексеру кезінде де, Ұшулар қауіпсіздiгi бойынша еуропалық агенттіктің (EASA) техникалық стандарттарына, IATA пайдалану қауіпсіздігінің аудитіне (IOSA) және IATA жер үсті қызметтің қауіпсіздік аудитінің (ISAGO) талаптарына сәйкес болуы керек.

Салық салу, кеденді және басқа да сыбайлас алымдар тұралығында әлемнің үздік тәжірибесiн қолдану маңыздылығына үкімет басшыларының назарын аудару. Мысалға, мемлекеттік құрылымдардың қауіпсіздікті сақтау мақсатында Жолаушылар туралы ақпаратты жинауы (API/PNR) маңызды екені толықтай мойындалса да, әуе компаниялары мұндай алымдардың әуе компаниясы мен жолаушылар есебінен жасалмауы қажеттігін нұсқауда. API/PNR ешбір алымдарсыз әлемнің 94 елінде реттелуде екен. 

Дөңгелек үстелге бақылаушы ретінде қатысқан IATA әуе компанияларына толықтай қолдау көрсеткен.

Орталық Азиядағы әуе компаниялары басшылары мұндай дөңгелек үстелді тұрақты түрде жылына екі рет өткізіп отырмақ. Кезекті кездесу 2019 жылдың қазан айына жоспарланған.

 

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: