Главная Новости Қазақстан – Қытай жүк тасымалы төрт айда 7 млн тоннаны құрады
Компания тынысы19 мамыр 2021, 16:01 275

Қазақстан – Қытай жүк тасымалы төрт айда 7 млн тоннаны құрады

Қазақстан – Қытай жүк тасымалы төрт айда 7 млн тоннаны құрады

«Қазақстан темір жолы» ҰК» АҚ мен «Үрімші темір жолы» ЖШҚ басшылығы бейнебайланыс режимінде екі ел арасындағы жүк ағынын арттыру мәселелерін талқылады.

Кездесуде Достық – Алашаңқай және Алтынкөл – Қорғас шекаралық өткелдері арқылы жүк тасымалдауды ұйымдастыру, астық жүктерін, өсімдік майын, темір кені шикізатын тасымалдау мәселелері қаралды.

Кеңеске қатысушылар екі тараптың бірлескен күш-жігерінің арқасында өткен жылдың қараша айынан бері тоқтап тұрған жабық вагондарда астық жүктерін қабылдау және түсіру мәселесі толық шешілгенін атап өтті. Бұл ретте қазақстандық теміржолшылар экспорттаушылардың астық көлемін ұлғайту ниеті туралы хабарлады. «Үрімші темір жолы» өкілдері жаңа көлемді қабылдауға дайын екендіктерін білдіріп, азық-түлік жүктерін жабық вагондардағы биг-бегтерде және астық таситын көліктерде тиеудің қажеттілігін атап өтті.

Қазақстандық тарап Аралас комиссиялардың 29-шы кеңесінде қол жеткізілген уағдаластықтардың орындалуына және қытай тарапының келісілген шекаралық өткелдер бойынша алмасу жоспарына сәйкес пойыздарды қабылдауды ұлғайту жөніндегі шаралар қабылдауына назар аудартты.

2021 жылға «Қазақстан темір жолы» ҰК» АҚ мен «Үрімші темір жолы» ЖШҚ арасында 25,2 млн тонна көлемінде тасымалдау жоспары келісілсе, бұл 2020 жылға қарағанда 17% артық. Жалпы, 2021 жылдың 4 айында ҚР мен ҚХР арасындағы жүк тасымалдау көлемі 7 млн тоннадан астамды құрады.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: