Қазақстан атомшыларында - күміс жүлде

Сурет: "Қазатомөнеркәсіп" ҰАК" АҚ баспасөз қызметі

Астанада атом өнеркәсібі кәсіпорындарының қызметкерлері арасында футзалдан XV Халықаралық турнир болып өтті. Турнир қорытындысы бойынша чемпиондық кубок пен алтын медальды ресейлік команда иелеп, Қазақстанның ұлттық атом компаниясының футболшылары күміс жүлдеге қол жеткізді. Ал үшінші орынды Венгрия құрамасы еншіледі.

Астананың 20 жылдығы мен атом саласы қызметкерлерінің кәсіби мерекесіне орайластырылған жарысқа Қазақстан («Қазатомөнеркәсіп» ҰАК» АҚ), Венгрия («Пакш» АЭС – «MVM PAKS NPP»), Ресей (Ленинград АЭС – «АНО Атом спорт») және Қырғызстанның (Қарабалта тау-кен комбинаты) командалары қатысты. Кездесулер шеңбер жүйесінде өткізілді.

Турнир қатысушылары айтқандай, жарыстың басты мақсаты – жеңімпазды анықтау ғана емес, сонымен бірге түрлі елдердің атом саласы кәсіпорындарының қызметкерлері арасындағы достық байланыстарды нығайту.

Тұтастай алғанда, барлық командалар әдемі ойын көрсетіп, жоғары спорттық дайындықтарын аңғартты. Қатысушылар турнирдің ұйымдастырылуы мен спорт мерекесінің айрықша атмосферасын жоғары бағалап, елорданың ерекше сәулетті ғимараттарына тамсана қарады, деп хабарлайды «Қазатомөнеркәсіп» компаниясынан.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS