Главная Новости Қазақстан мұнайына 120 жыл: үздіктер Татарстанда анықталды
Jas Samuryq09 қыркүйек 09:11 137

Қазақстан мұнайына 120 жыл: үздіктер Татарстанда анықталды

Қазақстан мұнайына 120 жыл: үздіктер Татарстанда анықталды

Татарстан Республикасының Альметьевск қаласында "ҚазМұнайГаз" ҰК" АҚ компаниялары қызметкерлерінің қатысуымен Жұмысшы кәсіптер форумы өтті. Бұған қоса, татарстандық әріптестер отандық мұнайшылар үшін шеберлік сыныптарын өткізді деп хабарлайды Ұлттық компанияның баспасөз қызметі.

"ҚазМұнайГаз" ҰК" АҚ 2016 жылдан бері жұмысшы кәсіптерді ілгерілетуге бағытталған "Үздік маман" дәстүрлі кәсіби шеберлік байқауын өткізуде. Биыл отандық мұнайшылар алғаш рет халықаралық деңгейде өнер көрсетті. Оның басты мақсаты – тәжірибе алмасу және мамандарды оқыту, компаниялар арасындағы өзара ықпалдастықты нығайту.

Төрт күнге созылған байқаудың барысында "ҚазМұнайГаз" ҰК" АҚ тобына кіретін 26 компанияның 182 қызметкері сайысқа түсті. Айта кетейік, олар бірінші кезеңде ӛз ұжымдарында үздік атанған болатын.

Қазақстандық мамандар газ бен мұнайды өндіру операторы, жер қабатындағы қысымды сақтау операторы, технологиялық қондырғының операторы, слесарь-жөндеуші, тауар операторы, компрессорлық қондырғының машинисі, технологиялық қондырғылардың машинисі, токарь, цементтеу қондырғысының машинисі, химиялық талдау зертханашысы, электр-газбен дәнекерлеуші, электр қондырғыларды жөндеу мен қызмет көрсету бойынша электр монтері, ұңғыларды жер асты жөндеу бригадасы, ұңғыларды күрделі жөндеу бригадасы және тағы басқа бағыттарда 18 аталым бойынша бақ сынады. Қазылықты "Татнефть" ЖАҚ мамандары жүзеге асырды.

"ҚазМұнайГаз" ҰК" АҚ Басқарма төрағасының орынбасары Дәурен Қарабаев шараның салтанатты ашылу рәсіміне қатысқан Татарстан Президенті Рустам Минниханов пен "Татнефть" ЖАҚ басшысы Наиль Мағановқа қазақ мұнайының 120 жылдығына арналған медальды тапсырды.

Байқаудың қорытындысы бойынша барлық дерлік компаниялар жақсы нәтиже көрсетті. Татарстандық әріптестер жерлестеріміздің жоғары кәсібилігі мен дайындық деңгейін атап өтті.

Естеріңізге сала кетейік, үстіміздегі жылдың шілдесінде ҚазМұнайГаз бен Татнефть өзара түсіністік туралы меморандумға қол қойған болатын. Құжатта Қазақстан мен Ресей аумағында геологиялық зерттеу және бірлескен геологиялық барлау жұмыстарын жүргізу; мұнай өндірудің жаңа технологияларын енгізу және өндірісті цифрландыру бойынша тәжірибе алмасу саласындағы ынтымақтастықтың болжамды бағыттары айқындалған.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: