Қазақстандықтар Ресей мен Германияға көбірек хат пен сәлемдеме жолдайды

«Қазпошта» АҚ қазақстандықтар қандай елдерге жиі сәлемдемелер жіберіп, қандай хаттар жазатынын анықтады. Бұл тізімде көршілес Ресей көш бастап тұр. Биылғы 9 айда Қазпошта 900 мыңға жуық пошта жөнелтілімін жеткізді.

Сондай-ақ, қазақстандықтар Германия, АҚШ, Өзбекстандағы алушыларға сәлемдемелерді жиі жібереді, ал Америка мен Германияға жиі хат жазады.

Қазақстанға көбінесе Ресейден сәлемдемелер келіп түседі. Германия екінші орында. Содан кейін АҚШ, Қытай келеді. Қытай да Қазақстанға жіберілген хаттар бойынша көшбасшы болып табылады. Келесі ел-Латвия. Осы елдердің әрқайсы Қазақстанға 400 мыңнан астам хат жолдады.

Жыл басынан бері қазақстандықтарға Қазпошта арқылы 6 млн-нан астам халықаралық пошта жөнелтілімі келіп түсті.