«Қазақтелеком» 15 қалада Speedtest-серверлерін орнатты

Бұрын абоненттер Speedtest сервисін қолданғанда кейде басқа операторлардың желісіне де жүгінетін, ал енді қолданушылар интернеттің жылдамдығын әділ бағалай алады.

Қазіргі кезде 10-гигабиттік серверлер 15 қалада: Ақтау, Ақтөбе, Атырау, Қарағанды, Көкшетау, Қостанай, Қызылорда, Павлодар, Петропавл, Семей, Шымкент, Талдықорған, Тараз, Орал және Өскемен қалаларында орнатылған.

Алматы және Нұр-Сұлтан қалаларында сервис 1Gbps интерфейсі арқылы қосылған. Жақын арада серверлерді орнату жоспарлануда.

Инновациялар жөніндегі бас директоры Нұрлан Мейірмановтың айтуынша, желінің өткізу қабілетін өлшейтін сервис енді өздігінен «Қазақтелекомның» жақын маңдағы Speedtest-серверін таңдайды.

«Енді компаниямыздың абоненттері өз өңіріндегі интернеттің жылдамдығын әділ бағалай алады. Бұл Қазақстандағы интернет жөніндегі статистиканы жақсартады», – дейді Нұрлан Мейірманов.