Қазатомөнеркәсіп қызметкерлерінің балалары AtomIQ жобасына қатысуда

Атом холдингінің кәсіпорындарында жұмыс істейтін қызметкерлердің 100-ден астам баласы Burabay IQ High School базасында өтіп жатқан Қазатомөнеркәсіптің білім беру бағдарламасына қатысуда. Балалар қаржылық сауаттылық пен жобалық менеджмент негіздерін меңгеріп, SMM мен жасанды интеллектті (AI) үйренуде.

Сондай-ақ оолар ағылшын тілі мен математика пәндері бойынша білімдерін жетілдіруде. Оқу процесінен бөлек, балалар үшін түрлі қызықты іс-шаралар ұйымдастырылған. Балалар атқа мініп, киіз үй тігуге атсалысып, қолөнер, хореография, трекинг, актерлік шеберлік, спорттық жарыстар мен экскурсияларға  барды.

AtomIQ жобасына қатысушылар білім беру лагерінде өткізген уақыттарына риза болды. Олар осындай мүмкіндік сыйлағаны үшін компанияға алғыстарын білдірді.