Главная Новости «Қазатомөнеркәсіп» сала көшбасшысы мәртебесін сенімді түрде сақтап келеді

09 ақпан 2021, 12:44 968

«Қазатомөнеркәсіп» сала көшбасшысы мәртебесін сенімді түрде сақтап келеді

Мемлекет басшысы «Қазатомөнеркәсіп» ҰАК» акционерлік қоғамының Басқарма төрағасы Ғалымжан Пірматовты қабылдады, деп хабарлайды SKnews.kz Ақорда сайтына сілтеме жасап.

Қазақстан Президентіне ұлттық атом компаниясының 2020 жылы атқарған жұмыстарының негізгі нәтижелері мен алдағы кезеңге арналған жоспарлары туралы баяндалды.

Ғалымжан Пірматовтың айтуынша, компания коронавирус пандемиясына қарамастан алдына қойылған барлық міндетті орындаған. «Қазатомөнеркәсіп» акционерлік қоғамы үшінші жыл қатарынан өнім өткізу ісінде жоғары көрсеткіштерге қол жеткізіп, уран өндіру және сату көлемі бойынша әлемдік нарықтағы көшбасшы мәртебесін сенімді түрде сақтап отыр.

Сонымен қатар Мемлекет басшысына цифрлық трансформация бағдарламасының жүзеге асырылу барысы, компаниядағы бизнес-процестердің жетілдірілуі және жылу бөлетін құрылғылар (ЖБҚ) шығаратын зауыт құрылысының аяқталуы жөнінде мәлімет берілді.

Кездесу қорытындысы бойынша Қасым-Жомарт Тоқаев «Қазатомөнеркәсіп» басшысына бірқатар нақты тапсырма берді.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS