27 қараша 2018, 08:13 1979

ҚМГ Басқарма төрағасы Өзен кенорнында болды

"ҚазМұнайГаз" ҰК" АҚ Басқарма төрағасы Алик Айдарбаев жергілікті басшылармен, кәсіподақ төрағаларымен және ауыл ақсақалдарымен кездесті. Сонымен қатар, ол Өзен кенорнында мұнайшылармен жүздесті деп хабарлайды "Өзенмұнайгаз" АҚ баспасөз қызметі.

Бұл мәжілістер барысында компанияда әлеуметтік және өндірістік бағытта атқарылып жатқан жұмыстар жайы сөз болған.

"Өзенмұнайгаз" компаниясында 10 мыңға жуық адам жұмыс істейді. Олардың атқарып отырған жұмыстары ел экономикасы үшін аса маңызды. Ұлттық компания мұнай саласында еңбек етіп жатқан жұмысшылардың әлеуметтік жағдайын, жас мамандардың біліктілігін арттыру мәселесін ұдайы назарда ұстап отырады", - дейді Алик Айдарбаев.

Еске сала кетсек, бұған дейін "Самұрық-Қазына" ҰӘҚ" АҚ Басқарма төрағасының орынбасары қызметін атқарған бас мұнайшы еңбек жолын 1985 жылы "Жетібаймұнай" мұнай-газ өндірістік басқармасында операторлықтан бастап, технолог, шебер сатыларында шыңдалған.