"ҚазМұнайГаз" ҰК" АҚ Басқарма құрамы өзгерді

Басқарманың жаңа мүшелері болып Басқарма төрағасының өндіріс жөніндегі орынбасары Жақып Нәсіпқалиұлы Марабаев, Басқарма төрағасының мұнай тасымалдау, халықаралық жобалар және "Сарыарқа" газ құбырын салу жөніндегі орынбасары Данияр Әмірбайұлы Берлібаев және сатып алу және жабдықтау жөніндегі басқарушы директор Есен Қайыржанұлы Қайыржан сайланды.  

2019 жылғы 6 ақпанда Компанияның Директорлар кеңесі жаңа ұйымдық құрылымды бекіткені, соған сәйкес негізгі бизнес-бағыттарға басқару процестерінің аражігі ажыратылып, осы бағыттарды дамыту үшін жетекшілер тағайындалғаны белгілі. Құрылымның өзгеруі өндіріс тиімділігі мен Компанияны корпоративтік басқаруды арттыруға, шешімдердің жедел қабылдануын қамтамасыз етуге және Компанияның орталық кеңсесі мен еншілес және тәуелді ұйымдардың арасындағы өзара іс-қимылды жақсартуға бағытталған.