Главная Новости «Қазпошта» АҚ «Егемен Қазақстанмен» меморандум жасасты
25 қараша 2021, 13:12 240 Нұрболат Аманжол

«Қазпошта» АҚ «Егемен Қазақстанмен» меморандум жасасты

«Қазпошта» АҚ «Егемен Қазақстанмен» меморандум жасасты

«Егемен Қазақстан» АҚ мен «Қазпошта» АҚ арасында өзара іс-қимыл туралы меморандум жасалды. Құжатқа «Егемен Қазақстан» АҚ басқарма төрағасы Дархан Қыдырәлі мен «Қазпошта» АҚ басқарма төрағасы Серік Саудабаев қол қойды, деп хабарлады ҚазАқпарат.

«Бүгінгі кездесуіміз өте маңызды деп ойлаймын. Біз «Қазпошта» қызметкерлерінің жанкешті жұмысын өте жоғары бағалаймыз. Себебі жолы жоқ ең қиыр ауылдарға дейін немесе бару қиын өңірлерге дейін сіздер газет-журналдарды жеткізіп келесіздер. Әрине, кейбір мәселелер де бар. Әрине, жұртшылық баспасөздің дер уақытында келуін күтіп отырады. Сондықтан «Қазпошта» қызметіне де сәттілік тілейміз», – деді меморандумға қол қою рәсімінде Дархан Қыдырәлі.

Меморандумға сәйкес «Қазпошта» «Egemen Qazaqstan» және «Казахстанская правда» газеттерін дамыту және таралуын кеңейту бағытындағы жұмыстарын күшейтетін болады.

«Қазпошта» ұзақ жылдардан бері Қазақстанның бүкіл өңірінде шығатын әрі республикадағы ресми және іскерлік ақпараттардың басты дереккөзі саналатын «Egemen Qazaqstan» және «Казахстанская правда» газеттерімен ынтымақтастықты жолға қойған. Біз баспа басылымдарын жазылу бойынша еліміздің, тіпті ең шалғай елді мекендеріне де жеткізіп береміз. Бұл қазақстандықтардың өзекті әрі сенімді ақпараттарды білуі үшін жасалады. Басылымды тарату жөніндегі қызметімізді қолдау және кеңейту бөлігіндегі ынтымақтастығымыз жемісті боларына сенемін», – деді өз кезегінде Серік Саудабаев.

Айта кетейік, «Егемен Қазақстан» республикалық газеті» акционерлік қоғамы газеттеріне 2022 жылға (ескерту: тек «Қазпошта» желісі арқылы 1 жылға толық жазылу керек, ұтыс жүлдегерлері желтоқсан айында анықталады) толық жазылған оқырмандар арасында ұтысқа смартфондар ойнатуды жоспарлап отыр.

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: