Қазпошта қызметкерлері «Самрұқ-Қазына» марафонына қатысуға дайын

«Мен джиу джитсу және йогамен айналысамын. Марафон мені ең алдымен қатысушаларымен қызықтырды. Екіншіден маған жаттығулар өтетін жер ұнады. Бұл менің 5 және 10 шақырым қашықтықтағы алғашқы марафоным. Бұған дейін мен жүгіру марафонына дайындық ретінде осындай үш жаттығуға қатыстым. Бұл жаттығуларда маған әріптестерімнің қолдауы, кәсіби марафоншылармен араласу, жаттығуға арналған әдемі жер, ал бастысы мықты жаттықтырушылар ұнайды. Іс-шара «Самрұқ-Қазына» ҰӘҚ 15 жылдығына орай ұйымдастырылып отыр және мен мұндай ауқымдағы шараға алғаш рет қатысып отырмын. Мұндай ауқымды шараның бір бөлшегі болу – мен үшін үлкен мәртебе. Мен салауатты өмір салтын ұстанамын және бәріне спортпен шұғылдануға кеңес беремін», – деп өз әсерлерімен бөлісті «Қазпошта» АҚ IR қызметінің бас менеджері Марта Омарова.

Ал Қазпоштаның тағы бір өкілі, компанияның жастар кеңесінің мүшесі Мирас Мұхаметқалиев алдағы марафон қатысушыларына сәттілік тіледі.

«Марафонға дайындық жаттығуына келдік. Сайыс болған соң жеңіспен қатар жеңіліс те қатар жүреді. Қандай спорт түрі болмасын маңыздысы – қатысу. Ендеше барлық әріптестеріме алдағы спорт додасында сәттілік тілеймін», – деді ол.

Айта кетерлігі марафон мамыр айының 28-і күні өтеді. Оған қордың барлық еншілес компаниялары өкілдері қатысады. Сондай-ақ марафон жеңімпаздарына сыйлықтар табысталады деп күтілуде. Одан бөлек іс-шараға ақпараттық қолдау көрсеткен компанияның баспасөз қызметінің өкілдері арасында үздіктер анықталып, оларға сыйлықтар табысталмақ.