Қазпоштаның микроқаржы ұйымдарымен ынтымақтастығы талқыланды

Іс-шара «Қазпошта» АҚ бизнес жөніндегі басқарушы директоры Николай Мельниковтың басшылығымен өтті. Талқылауға Қазақстанның микроқаржы ұйымдары қауымдастығының директоры Ербол Омарханов және қауымдастықтың басқа да қатысушылары қатысты.

«Қазпошта» АҚ тарапынан қаржылық және агенттік қызметтердің кең спектрі ұсынылды. Іс-шараға қатысушылар Қазпоштаның микроқаржы ұйымдарымен ынтымақтастық мүмкіндігін талқылады.

Олар Қазақстанның барлық аумағын қамтитын компанияның елдегі ең ауқымды филиалдық желісін атап өтті. «Қазпошта» АҚ еліміздің ең шалғай елдімекендерінде орналасқан және қалыптасқан жағдайда пошта байланысы бөлімшелері ауылдағы экономикалық белсенділік орталығы бола алады.