ҚазТрансОйл басқармасының құрамы өзгерді

«ҚазТрансОйл» АҚ Директорлар кеңесінің 2022 жылғы 14 сәуірдегі шешімімен «ҚазТрансОйл» АҚ Басқармасының мүшесі Арман Майкеновтың өкілеттіктері мерзімнен бұрын тоқтатылды. 2022 жылғы 15 сәуірден бастап «ҚазТрансОйл» АҚ Басқармасының мүшесі болып Ғазиз Қошанов тағайындалды. Бұл туралы «ҚазТрансОйл» АҚ баспасөз қызметі хабарлады.

Еске салайық, бұған дейін «ҚазТрансОйл» АҚ Акционерлерінің жалпы жиналысының 2022 жылғы 12 сәуірдегі шешімімен «ҚазТрансОйл» АҚ бас директоры (Басқарма төрағасы) Талғат Құрманбаев «ҚазТрансОйл» АҚ Директорлар кеңесінің мүшесі болып сайланған болатын.

Қазіргі уақытта «ҚазТрансОйл» АҚ Директорлар кеңесінің құрамына Данияр Берлібаев («ҚазТрансОйл» АҚ Директорлар кеңесінің төрағасы, «ҚазМұнайГаз» ҰК АҚ өкілі), Марлен Оразбеков («ҚазМұнайГаз» ҰК АҚ өкілі), Талғат Құрманбаев («ҚазТрансОйл» АҚ бас директоры (Басқарма төрағасы), Винишиус Агостини (тәуелсіз директор), Альберто Мартинес (тәуелсіз директор), Адриан Фрейсине (тәуелсіз директор) кіреді.