ҚБМ 3 жылда сатып алатын арнайы техникалар тізімін жасады

Бас директордың бірінші орынбасары Қуанышбай Нұрғалиев берілген тапсырмалар бойынша жедел әрекет еткен жұмыс тобының бірлескен қызметі үшін алғыс білдірді. Аталмыш топ өкілдері автопаркті жаңарту мақсатында автосалондарға шолу жасап, алдағы 3 жыл көлемінде сатып алу қажет арнайы техникалар тізімін жасақтады. Енді жаңа техникаларды сатып алу кезеңіне көшу жұмыстары басталмақ. Осылайша құрылған үш жұмыс тобының алғашқысы өз қызметін сәтті аяқтады.

«Жұмысшылардың еңбек жағдайын жақсартып, жұмыс өнімділігін арттыру басты мақсат. Сондықтан ТКБ-дағы барлық мәселелерді шешу бойынша жұмыстар қарқынды жүріп жатыр. Белгіленген межеге мүмкіндігінше тез жету үшін бірлескен жұмысты жүйелі түрде орындауымыз керек», – деді Қуанышбай Нұрғалиев.

Кездесу соңында ҚБМ Басқармасы бұл қарқынды жұмыстың тек бастамасы екенін жеткізді. Сондай-ақ жұмыс топтарына алынатын техника мен қосалқы бөлшектердің сапасын қатаң бақылау тапсырылды. ТКБ-дағы өзге де мәселелер жұмыс топтарының назарынан тыс қалмай, кезең-кезеңімен шешімін табады.