ҚМГ мен SOCAR екіжақты ынтымақтастық мәселелерін талқылады

Астана қаласында «ҚазМұнайГаз» ҰК АҚ (ҚМГ) Басқарма төрағасы Асхат Хасенов Әзербайжан Республикасы мемлекеттік мұнай компаниясының (SOCAR) Президенті Ровшан Наджафпен кездесті. Тараптар ынтымақтастықты одан әрі нығайту мүмкіндіктерін талқылап, Қазақстан мұнайы Ақтау — Баку — Джейхан бағыты арқылы тасымалдау табысты дамып келе жатқанын атап өтті.

2025 жылы қаңтар-сәуір аралығында бұл бағыт бойынша жөнелтілген мұнай көлемі 489 мың тоннаны құрады. Биылғы жоспар — 1,7 млн тонна.

Айта кетсек, 2025 жылдың қаңтар айынан бастап Теңіз кен орнының мұнайына қосымша Қашаған мұнайы Ақтау портынан Баку — Тбилиси — Джейхан құбыр жүйесі арқылы Жерорта теңізіне дейін жөнелтіле басталды. Экспорттаушы — «ҚМГ Қашаған Б.В». Бұдан басқа бұған дейін жасалған келісімдер аясында инвестиция тарту, өндірісті цифрландыру, тәжірибе және технологиялармен алмасу мәселелері талқыланды. Бірлескен инвестициялық жобаларды өзара тиімді шарттарда іске асыру мүмкіндігі қарастырылды.

ҚазМұнайГаз SOCAR компаниясына екі елдің мемлекеттік органдары жүргізіп жатқан жұмыс аясында Каспий теңізінің су ресурстарына экологиялық зерттеу жүргізу үшін күш біріктіруді ұсынды.

Кездесу қорытындысы бойынша тараптар ынтымақтастықтың негізгі бағыттарында жұмысты жандандыруға дайын екенін білдірді.