"ҚМГ" ҰК" АҚ Директорлар кеңесі өзгерді

Сонымен, соңғы жаңалыққа сай, "ҚМГ" ҰК" АҚ Директорлар кеңесі сегіз адамдан тұратын болды. Олар - Уолтон Кристофер Джон, Алик Айдарбаев, Алмасадам Сәтқалиев, Грюал Балжит Каур, Ұзақбай Қарабалин, Уайт Стивен Джеймс, Дайер Филип Джон және Луис Мария Вайя де Сильва.

Луис Мария Вайя де Сильваның білімі:

Экономика ғылымдарының бакалавры – Instituto Superior de Economia, 1978 ж.
Экономика ғылымдарының бакалавры. Менеджмент және іскерлік әкімшілендіру – Universidade Católica Portuguesa, 1981 ж.
Қазіргі әлемдегі бөлшек сауданың негізгі стратегиялық мәселелері – INSEAD бизнес-мектебі, 2003 ж.
AMP, басшыларға арналған бағдарлама – Уортон экономика мектебі (Wharton School of Economics), Пенсильвания Университеті, 2005 ж.

Жұмыс тәжірибесі - 2001 жылы JERÓNIMO MARTINS компаниясында қаржы директоры лауазымында жұмыс істеуге кірісті және кейіннен 2004 жылдан 2010 жылға дейін компаниялар тобында бас директор және қаржы директоры қызметтерін атқарды. Аталған кезең ішінде JM акциялары бір акция үшін 0,5 еуро-дан 10 евро-ға дейін бағада көтерілумен Португалиядағы өсудің ең жоғары динамикасын көрсетті. Соңғы жылдары GALP Energia мұнай өңдеу және маркетинг бөлімінің Директорлар кеңесінің вице-президенті және өндірістік мәселелер жөніндегі басшысы болып жұмыс істеді. Бұл позицияда Португалиядағы екі МӨЗ дамуына жауап берді. 2015 жылдан бастап осы уақытқа дейін PHAROL Директорлар кеңесінің төрағасы қызметін атқарады.