Комплаенс қызметі туралы не білу керек?

2024 жылғы қыркүйек-қазанға айларында «Маңғыстаумұнайгаз» АҚ өндірістік объектілерінде Комплаенс қызметінің жұмыскерлері: оның не үшін құрылғандығы және кімге бағынатындығы, «Маңғыстаумұнайгаз» АҚ және мердігер ұйымдардың жұмыскерлері сыбайлас жемқорлық әрекеттерінің белгілері анықталған жағдайда қайда жүгінуі қажет екендігі жөнінде Қызметтің негізгі қағидаттары мен міндеттері туралы түсіндіру жұмыстарын жүргізді.

Атап айтқанда, мұнайшыларға бұған дейін заңнамалық деңгейде квазимемлекеттік компанияларға олардың құрылымында сыбайлас жемқорлыққа қарсы комплаенс функциясын атқаратын бөлімшенің болуы туралы талап қабылданғаны жайында айтылды.

Осыған байланысты, сыбайлас жемқорлық құқық бұзушылықтардың алдын алу және Қоғам қызметіндегі сыбайлас жемқорлық тәуекелдерін анықтау мақсатында «Маңғыстаумұнайгаз» АҚ Директорлар кеңесінің шешімімен 2023 жылы компанияның Директорлар кеңесіне тікелей есеп беретін Комплаенс қызметі құрылды.

Сондай-ақ, Компанияда «Самұрық-Қазына» ҰӘҚ АҚ Жедел желісі жұмыс істейтінін, онда парақорлық, алаяқтық, кемсітушілік пен өзге де заңсыз әрекеттер туралы ақпарат беру үшін жүгінуге болатындығын жұмыскерлердің назарларына ұсынды.

«Маңғыстаумұнайгаз» АҚ Комплаенс қызметі барлық жұмыскерлерді «Самұрық-Қазына» Жедел желісінің телефондары арқылы сыбайлас жемқорлық, кемсітушілік, әдепсіз мінез-құлық және басқа да осыған ұқсас бұзушылықтар туралы хабарлауға шақырады, ал компания өз тарапынан сіздің өтініштеріңізді қарауға және құпиялылықты сақтауға кепілдік береді.

«Маңғыстаумұнайгаз» АҚ Комплаенс қызметі

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS