Главная Новости Корпоративтік БАҚ: әлеуеті қандай?
Озық тәжірибе03 шілде 09:48 277

Корпоративтік БАҚ: әлеуеті қандай?

Корпоративтік БАҚ: әлеуеті қандай?

Биылдан бастап Президент тапсырмасымен Үкімет арнайы Қаулы шығарып, Қазақстанда бұқаралық ақпарат құралдары қызметкерлерінің мерекесі өз алдына дербес - 28 маусымда атап өтілетін болды. Осы орайда қайнаған өндіріс пен ондағы еңбек адамдарының ортасында жүретін, өз ісін бүге-шігесіне дейін білетін салалық журналистика өкілдерінің айтары қандай? SK News тілшісі анықтап көрді.

Журналистік еңбек жолының басым бөлігін теміржолшылардың салалық басылымына арнаған, «Қазақстан теміржолшысы» газеті бас редакторының орынбасары Меруерт Өмірзақтың айтуынша, корпоративтік басылымда жұмыс істеудің ерекшелігі – журналист бір салаға, бір тақырыпқа маманданады. Бұлай мамандануды ол медицина саласындағы нақты бір дертпен жұмыс істейтін дәрігермен салыстырады.

«Сол сияқты тілшілер де бір саланы тереңінен талдап жазады. Мысалы, мұнай немесе тек теміржол тақырыбын, оның ішінде локомотив және вагон, жол шаруашылылығы, байланыс, сигнализация, тағы басқа қырын зерттеп, қоғамдық БАҚ өкілі тереңіне үңіле бермейтін тақырыптарды қаузай алады. Саланың проблемаларын да бес саусақтай білуің керек. Әбден төселген кезде судағы балықтай еркін жүзе аласың. Сөйлесетін адамдарың да, яғни, обьектің немесе интервьюерің де сол саланың өкілі болуы тиіс», - дейді Меруерт Өмірзақ.  

Салалық журналистиканың қаранары қоғам қайраткері, теміржол көлігінің ардагері Нығметжан Есенғаринмен болған кездесуде айтылған уәжді келтіреді.

«Қазақстан Республикасының алғашқы көлік министрі «Медиа нарығында тауарлар мен қызмет түрлері жеткілікті, бірақ сендер жеке-дара, қайталанбас тауарсыңдар, қоғамдық-саяси, мәдени тақырыпта барлығы жазады, ал кәсіби басылымда жұмыс істеу, сол тақырыпты түп-тамырымен меңгеру, оны жаза білу -  екінің бірінің қолынан келмейді» деген болатын. Салалық газетте істеу болу қиын, бір журналисті дайындау үшін бір емес, бірнеше жыл керек, ол әбден үйренгенше, ненің не екенің ұққанша біраз уақыт кетеді», - дейді Меруерт Өмірзақ.  

Оның сөзінше, салалық журналистикада күрмеуі күрделі түйткілдер де жоқ емес көрінеді. Компаниялардың басшылары кейбір тақырыптарға келгенде белгілі бір шектеу қойғысы келеді. 

Толығырақ жаңа SK News нөмірінде:  https://sknews.kz/newspaper/read/sk-news-12-122

Выпуски SK NEWS

Смотрите также

Видео Все видео
Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: