Көрші елде табылған мұнайдың ірі кен орны «Жаңа Өзбекстан» атына ие болды

Sanoat Energetika Guruhi (SEG) және Kontiki-Exploration компанияларының мамандары Өзбекстандағы Зерафшан ойпатында мұнай және битумның кен орнын анықтады. Ол «Янги Узбекистон», яғни қазақшалағанда «Жаңа Өзбекстан» атына ие болды.

Мамандардың хабарлауынша, кен орнындағы битумның қоры 100 млн тоннадан астам. 2025 жылға дейін жылына 1 млн тонна мөлшерінде өндіру болжамы жасалып отыр. Мұндай өндіріс көлемін қамтамасыз ету үшін жылына 1500 ұңғыма қазылуы тиіс.

Бұл жобаға алдағы 12 жылда 2,5 млрд доллар қаражат инвестициялау жоспарланып отыр.