«Көшеттерге күтім». Мұнайшылар жасыл желекті суарды

Шілденің аптап ыстығына байланысты қазір суару жұмыстары аптасына бірнеше рет жүргізіледі. Өндірістік жұмысшылар мен ІТ мамандар әдеттегідей қолдарына шелек алып, талдарды байыппен суаруға кірісті.

«Әр келген сайын әрбір талды жеке қадағалап, тексеріп шығамыз. Бүршік атпаған көшеттерге ерекше қамқорлық жасалады. Тыңайтқыштар қосып, күтімді күшейткеннен кейін, тамыр жайып кеткендері бар. Аулаға егілген әр ағаштың бой түзеуі біз үшін аса маңызды», – деді Бас механик Қайрат Жаманғариев.

Демалыс күндері аталмыш блок жұмысшыларынан бөлек, ҚБМ-ның әр департаменті өздеріне бекітілген аумақта суару жұмыстарын жүргізеді. Одан бөлек облыстың әлеуметтік маңызды нысандарының ауласын тазалап, арамшөптен арылтады. Қоршаған ортаны қорғауға бағытталған сенбіліктерге мұнайшылар бір үйдің баласындай атсалысады.

(«Қаражанбасмұнай» АҚ facebook парақшасынан)