Главная Новости Қостанай облысы ауылдары жоғары жылдамдықты интернетке ие болды
Компания тынысы14 қазан 2020, 10:44 156

Қостанай облысы ауылдары жоғары жылдамдықты интернетке ие болды

Қостанай облысы ауылдары жоғары жылдамдықты интернетке ие болды

«Қазақтелеком» компаниясы Қостанай облысында талшықты-оптикалық байланыс желілерінің (ТОБЖ) құрылысын аяқтады. Бұған дейін жоба 7 өңірде – Батыс Қазақстан, Атырау, Ақтөбе, Маңғыстау, Қарағанды, Қызылорда және Павлодар облыстарында өз межесіне жеткен болатын.

Қостанай облысында ТОБЖ жалпы ұзындығы 937 шақырымды құрады. Қазіргі уақытта мемлекеттік органдар мен әлеуметтік нысандарды жоғары жылдамдықты интернет пен байланысқа қосу жұмыстары жүргізілуде. Облыста 39 ауылдық елді мекендегі 131 бюджеттік ұйым кең жолақты интернетке қосылады.

«Жоба ауыл тұрғындары мен шалғайдағы елді мекендердің тұрғындарына телекоммуникация қызметтерінің барлық мүмкіндіктерін: интернет, теледидар, телефония, бейнебақылау қызметтерін пайдалануға мүмкіндік береді. Сонымен қатар, «оптикаға» қосылу нүктелерінің пайда болуы «250+» жобасы аясында ауылдық жерлерде 3G/4G ұялы байланысының мобильді желілерін дамытады. Бұл екі жоба облыстың барлық ауылдарында байланысты толықтай жаңартуға негіз», – деді «Қазақтелеком» АҚ Солтүстік ӨТД бас директоры Ерсайын Дюсемалиев.

Енді Қостанай облысының ауыл тұрғындары қаладан шықпай-ақ, «Электрондық үкіметтің» барлық мүмкіндіктерін онлайн режимде пайдалана алады. Сапалы интернет аймақтағы мектеп оқушыларына қашықтан білім беру мәселесін де шешеді.

«Көктемде оқушыларды қашықтан оқытуға көшкен кезде біз бірінші кезекте интернеттің төмен жылдамдығына байланысты бірқатар күрделі мәселелерге тап болдық. Ауыл тұрғындары білім берудің осы форматына байланысты қиындықтарға кезікті. Бақытымызға орай, қазір біздің мектепте жылдамдығы жоғары интернет бар, веб-сайттар мен түрлі платформалар бірден ашылады, бұл мұғалімдерге сабақ өткізуге және сабаққа тиімді әрі сапалы дайындалуға мүмкіндік береді», – дейді Ашутасты ауылы орта мектебінің директоры Шотбай Жүсіпбеков.

Жалпы алғанда, еліміздің 14 өңіріндегі ауылдық елді мекендерді интернетпен қамтамасыз ететін ТОБЖ жобасының 90 пайыздан астамы аяқталды.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: