25 маусым 2021, 08:30 1047

Қостанайда жүк жөнелтілімінің қарқыны жоғары

«ҚТЖ-Жүк тасымалы» ЖШС Бас директорының орынбасары Қанат Көбесов Қостанай жүк тасымалы бөлімшесіне жұмыс сапарымен барды. Ол ұжыммен жұмыс кеңесін өткізіп, оның барысында бөлімнің жұмыс нәтижелері, соның ішінде пойыздар қозғалысының қауіпсіздігін қамтамасыз ету және еңбекті қорғау бойынша жұмыс нәтижелері қаралды.

Үстіміздегі жылдың 5 айының қорытындысы бойынша Қостанай бөлімшесінің желісі бойынша жалпы тиелім 9,5%-ға өсіп, 13 млн тоннаны құрады. Негізгі үлес темір рудасына тиесілі. Қаңтар-мамыр айларында 7,7 млн тонна кен тасымалданды, бұл өткен жылдың сәйкес кезеңінен 11,5%-ға жоғары. Бөлімшеге тәулігіне орта есеппен 430 мың тоннадан астам жүк түсіріледі.

Кеңес барысында сондай-ақ, көктемгі комиссиялық тексеру және жазғы жағдайлардағы жұмысқа жылжымалы құрамды дайындау қорытындылары шығарылды. Арқалық, Құсмұрын, Жаркөл, Озерная, Челгаши, Талдыкөл станцияларының, Арқа, Железорудная, Тобыл техникалық қызмет көрсету пункттерінің, Қостанай локомотив пайдалану депосы мен Құсмұрын айналым депосының ұжымдары тексеруді адал жүргізді.

Еще больше новостей на нашем telegram-канале , подписывайся и будь в курсе!

К списку статей Следующая статья