ҚТЖ – 25: Маңғыстаулық локомотившілер марапатталды

Маңғыстау локомотив депосынан кеудесіне «ҚТЖ - 25 жыл» төсбелгісін таққандар қатарында депо бастығы Сандыбай Күзембаев, машинист-нұсқаушы Руслан Екшембиев, екінші класты тепловоз машинистері Сырым Әлжанов, Үргенішбай Абенов, Әмірхан Абдрахманов, Бисенбай Кұрмантаев, Бегкен Ахметов, инженер-технолог Серік Алмажанов, тасымалдау құжаттарын өңдеу орталығының бастығы Бақтыгүл Арықбаева болды.  

Бейнеу айналым депосынан ТҚК-2 жөндеушісі Алий Халиманов, тепловоз машинистері Сағындық Тұрақбаев, Көбейсін Жайылханов, Аманқос Мандыбаев, Мамыт Қозыбеков, Камалатдин Қаржауов, инженер-технолог Саламат Есбергенов, депо кезекшісі Қайрат Берназаров пен нарядшы Алтынгүл Хайдарова, оператор Маржан Хайдарова лайық деп танылды.  

Жаңаөзен айналым депосынан Маңғыстау локомотив депосы бастығының сол жердегі орынбасары Амандық Аралбеков, таспа тексеруші инженер Арзу Досбосынова, ал Шетпе станциясынан маневрлік тепловоз   машинисі Бердіғали Ерниязов мерейтойлық медаль иегері атанды.  

«ҚТЖ мерейтойы – теміржолшының мерейтойы. Сондықтан марапаттарды теміржолшылардың жұмыс орнына барып, ұжым ортасында, салтанатты түрде табыстаудамыз. Бұл енді ғана еңбекке араласып келе жатқандарға үлгі болады және олар теміржолдың тағлымды тарихымен танысып, кәсібіне құрметі арта түседі деген сенімдеміз. Марапатталған азаматтардың қай-қайсы болсын, ең кемі 25-30 жылдан еңбек өтілі бар. ҚТЖ-мен бірге жасасып келе жатқан олар қандай құрметке де болсын лайық», – дейді Маңғыстау локомотив пайдалану депосы кәсіподақ ұйымының төрағасы Әбілсейіт Нәбиханов.  

Орайы келгенде айта кетейік, Көлік қызметкерлері күніне орай жылдың «Үздік маман», «Кәсібі бойынша үздік» номинациясын алғандар да осы деподан шыққан еді. Машинист-нұсқаушы Өмірбай Бисенов «Үздік маман», машинист Қуантай Алижанов «Кәсібі бойынша үздік» атанған. Ал тепловоз жөндеуші Жандос Ниязов «Адал еңбегі үшін» белгісімен марапатталған.  

Шахида Жұман

Дереккөз: «Қазақстан теміржолшысы»