ҚТЖ ірі жүк терминалдарының бірі қалай жұмыс істейді?

 Жүктер номенклатурасы әр түрлі: техника, автомобильдер, құрылыс жабдықтары мен материалдары, көмір, қағаз, дәрі-дәрмек және тамақ өнімдері. Терминалдан өнім елордалық базарларға, Еуропа, Азия елдеріне, Қазақстан Республикасының барлық өңірлеріне жөнелтіледі. 

Терминал жүктерді, контейнерлер мен вагондарды тиеуді, түсіруді, сақтауды жүзеге асырады. Жүктерді өңдеу, көліктік-экспедициялық қызмет көрсету қызметтерін ұсынады, "бір терезе" қағидаты бойынша жұмыс істейді және жүктерді "door to door" логистикалық схемасы бойынша - есіктен есікке дейін түпкілікті тұтынушыға жеткізеді.  Терминал 1997 жылы пайдалануға берілді.  Жалпы алып жатқан ауданы 23 гектардан асады, аумақта 17 кірме жол бар (олардың ұзындығы 8,1 мың метрден асады), оның ішінде тиеу-түсіру, жалғау, көтеру және көрме жолдары бар. Терминал ірі тоннажды контейнерлерді тиеуге, түсіруге және сұрыптауға арналған 4 тірек крандарымен, тиегіштермен және өзге де техникамен жабдықталған.

  Кәсіпорын тәулік бойы жұмыс істейді. Оның ұжымы-көп жылдық тәжірибесі бар білікті мамандар.

Кедентранссервис" АҚ көліктік-логистикалық және терминалдық қызметтердің ірі операторы болып табылады.  Компанияның активінде Қазақстанның барлық ірі өңірлерінде, сондай-ақ шекара маңындағы түйісулерде орналасқан 17 терминалы бар.  "Кедентранссервис" АҚ паркінде 4,4 мыңнан астам фитингтік платформа бар, қойма үй-жайларының ауданы 2 млн шаршы метрді құрайды. Тәулігіне терминалдар 250-ден астам вагон, 14 мың тоннадан астам жүк, 800-ден астам ЖФЭ өңдейді.